ازاي تبقي front end developer

اكيد سمعت ولو بالصدفة عن الفرونت اند..!

الفرونت اند يا بشمهندس هو وبكل بساطة كل الي بيبان للمستخدم في صفحة الويب. الفرونت اند شرحه سهل وبسيط وان شاء الله مش هيطول انهارده.
تمام دلوقتي هنتكلم عن الويب في لمحة بسيطة وسريعة للغاية :
اولا الويب بينقسم لجزئين فرونت وباك اند والي بيحترف استخدام الاتنين بيبقا اسمه فول استاك ديفوليبر او ويب ديفولبمنت تمام..!
انهارده هنتكلم عالفرونت بعدين بقا نتكلم عن الباك اند..!
الفرونت سهل وبسيط ومش محتاج شرح وتعقيدات لغاته يباشا
(HTML CSS JS)
اولا :
HyperTextMarkupLanguage (HTML)
دي ي بشمهندس تقدر تعتبرها الهيكل العظمي لصفحات الويب وهي على عكس ما بعض فاكرة مش لغة برمجة لانها مفهاش متقدرش تعمل عمليات حسابية دي مجرد لغة ترميز.
ثانيا:
Cascading Style Sheets (CSS)
دي بقا تقدر تعتبرها يسطا المكياج بتاع البيدج او الصفحة
دي بيها تختار الالوان والخط والخ وكل حاجة ليها علاقة بالديكور
ثالثا واخيرا:
Java script (JS)
بص مبدئيا كدا لازم تفهم انها حاجة عظيمة جدا وممكن تاخد مني وقت طويل فيها عشان كدا هخليها في بوست لوحدها بس الي لازم تعرفه انها هي المحرك الدنميكي للصفحة هي الي بتعمل كل التحركات منغير ما تروح للسيرفر يعني كل حاجة بتعملها في المتصفح وليها مكاتب زي جيكويري وغيرها وليها مستقبل مشرق في سوق العمل
وكدا اكون خلصت كل حاجة عن الفرونت اند اعرفها او جمعتها من المصادر وشكرا

• Tweet
• Share
• Share
• Share
• Share